Исплатени 100,7 милиони денари на говедарите и градинарите
Министерството за финансии денеска исплати 100,7 милиони денари на 4583 земјоделци по основ субвенции за обележани грла говеда и обработена површина за градинарско производство.
За обележани грла говеда на 2.726 земјоделци денеска им се исплатени 60,4 милиони денари. Мерката изнесува 2.800 денари по обележано грло говедо.
На 2127 земјоделци за обработена површина за градинарско производство на отворено и под пластеници им се исплатени 40,3 милиони денари. Мерката изнесува 20.000 до 30.000 денари по хектар обработена површина, во зависност од културата која се одгледува.
Министерството за финансии ќе продолжи со исплатата на субвенциите. Финансиската поддршка на земјоделството придонесува за зголемување на земјоделското производство и подобрување на неговиот квалитет, а со тоа и подобри резултати на една од носечките стопански гранки во земјава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
