Аргентина си обезбеди место во четвртфиналето на СП

Аргентина е седмата репрезентација која обезбеди пласман во четвртфиналето на Светското фудбалско првенство во Бразил.

На претпоследниот осминафинален меч на Мундијалот одигран попладнево во Сао Пауло, Аргентина ја совлада Швајцарија со 1:0 дури по продолжението откако натпреварот во регуларните 90-минути заврши без голови.

Стрелец на победничкиот голо за „Гаучосите„ вреден четвртфинале беше Анхел ди Марија во 118-минута.

Кој ќе биде противник на Аргентина во четвртфиналето ќе биде познато вечерва откако од 22 часот, во последниот натпревар од осминафиналето ќе играат Белгија – САД.

Потсетување, на останатите три четвртфинални  парови: Бразил – Колумбија, Холандија - Коста Рика и Франција – Германија.

Утре и задутре на првенството е слободен ден, а натпреварите за влез меѓу четирите најдобри ќе се играат во петок и сабота.