ФОТО: Гол во кабинетот на министерот за правда
Гол до половина, со црна шајкача на главата - така изгледа Никола Савиќ, кандидат за шеф на кабинетот на српскиот министер за правда Никола Селаковиќ, открива Блиц.
Иако се прослави со фотографијата со снајперот од кој е убиен поранешниот премиер Зоран Ѓинѓиќ, а која ја беше поставил на својот Фејсбук-профил на десетгодишнината од убиството на премиерот, Никола Савиќ може да се пофали со уште фотографии од својата галерија. Како што коментира Блиц, оваа со шајкачата и со идниот министер во црна маичка, би можела да послужи како корица за плоча на "Рокери с Мораву", а најверојатно била на Фејсбук-профилот на Српското културно коло "Деспот Стефан Лазаревиќ" чиј основач е Савиќ, но во меѓувреме оттаму е отстранета.
На фотографијата, снимена најверојатно во мај 2012 година, на Савиќ друштво му прават Никола Селаковиќ, кој тогаш се уште не беше министер, и уште две момчиња, сите со шајкачи и држејќи српска тробојка со знакот на Српското културно коло. Фотографијата е снимена некаде во Македонија за време на патувањето што го организирало друштвото по повод одбележување на стогодишнината од Првата балканска војна.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа