Поранешен амбасадор на Ватикан осуден за сексуално злоставување

Црковниот суд го осуди поранешниот амбасадор на Ватикан во Доминиканската Република, Јозеф Весоловски поради сексуално злоставување и тој е расчинет.

Тоа е прва таква пресуда против некој од главните претставници на папата.

Весоловски може да поднесе жалба на пресудата.

Тој се соочува и со други обвиненија од кривичниот суд во Ватикан, бидејќи како дипломат тој е и граѓанин на градот-држава.