Јужна Осетија ја призна независноста на Доњецка народна република

Јужна Осетија ја призна независноста на сепаратистичката Доњецка народна република, изјави претседателот Леонид Тибилов.

По Луганската република и Врховниот совет на самопрогласената Доњецка народна република испрати молба за признавање до јужноосетиските власти.

Барањето беше разгледдано на седница на Советот за безбедност на Јужна Осетија, при што е донесена одлука за признавање на Доњецка народна република.

- Сметам дека признавањето на независноста на Доњецка народна република е правилен и неопходен чекор. Народот на нашата Република во целост ја поддржува и поздравува одлуката за признавање на независноста на Доњецк и на Луганск, истакна Тибилов.

Тој го задолжи Министерството за надворешни работи на Јужна Осетија да преземе чекори за воспоставување дипломатски односи со Доњецка народна република.