Силниот бран од атмосферска нестабилност што зафати повеќе градови низ државата попладнево стигна и во главниот град.
Управата за хидрометеоролошки работи (УХМР) излезе со итно известување за состојбата на теренот во Скопје.
Според официјалното соопштение од метеоролошката служба, во Скопје се регистрирани врнежи од умерен до пороен дожд, електрични празнења и засилен ветер.
„Умерен до пороен дожд, грмежи и засилен ветер во Скопје!“, информираат од УХМР.
Невремето предизвика ненадејна промена на временските услови, при што облачната маса донесе краткотрајни поројни врнежи во повеќе скопски населби.
Метеоролозите апелираат до сите учесници во сообраќајот на зголемена внимателност поради влажните коловози и намалената видливост.