Израелскиот премиер Бенјамин Нетанјаху вечерва официјално го потврди 10-дневниот прекин на огнот со Хезболах, кој беше договорен со посредство на Доналд Трамп. Сепак, Нетанјаху во своето видеообраќање беше дециден: израелските трупи остануваат на позициите.
„Се согласив на привремен прекин на огнот за да им дадеме шанса на мировните преговори, но нашата армија ќе остане во ‘засилената безбедносна зона’ во јужен Либан“, порача Нетанјаху. Оваа зона, широка 10 километри, се протега од Медитеранот до сириската граница и има задача да ги заштити пограничните градови од нападите на милицијата поддржана од Иран.