Најмалку четири лица се повредени, а околу 100 патници беа спасени со хеликоптер по несреќата на жичарница на планина во северозападна Италија, соопштија локалните власти.
Инцидентот се случил во близина на селото Макуњага, во регионот Пиемонт, кога две кабини на жичарницата се судриле со двете станици, информираше италијанската противпожарна служба.
Тројца патници од горната кабина се здобиле со повреди, заедно со операторот на жичарницата кој се наоѓал на станицата. Според други италијански медиуми, вкупно шест лица побарале медицинска помош.
По несреќата, блиските скијачки патеки биле привремено затворени, додека надлежните служби спроведуваат истрага за причините на инцидентот.