Неизвесно денешното рочиште за „27 април“ поради самоизолацијата на Јанакиески
Во Кривичниот суд денеска треба да продолжи судењето за организаторите на настаните во Собранието.од 27 април 2017 година.
Претходното рочиште беше одложено поради отсуство на обвинетите Спиро Ристовски и Трајко Вељаноски, кои беа во самоизолација, поради корона вирусот.
Неизвесно е и денешното продолжени бидејќи во самоизолација е уште еден од обвинетите, Миле Јанкиески.
Случајот се наоѓа во доказна постапка и го води судијата Илија Трпков, а застапник на обвинението е Вилма Русковска.
Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.
Тие се товарат дека сториле кривично дело „терористичко загрозување на уставниот поредок и безбедноста“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
