Нападната и ограбена жена во сопствената куќа
Нападната жена во сопствената куќа од разбојник кој и го украл лаптопот. Насилникот ја удрил жената, ја турнал и побегнал со пленот. Судија му одреди мерка притвор од 30 дена.
Основното јавно обвинителство Штип донело наредба за спроведување истражна постапка против лицето поради основано сомневање дека сторило кривично дело – Разбојничка кражба.
-На 6 февруари, осомничениот влегол во куќа на улицата „Гоце Делчев“, извршил пребарување и одзел лаптоп компјутер вреден 50.000 денари. При вршењето на кражбата, го затекнала сопственичката на куќата. Осомничениот во тој момент физички ја нападнал, удирајќи ја по телото и раката, ја турнал на земја и побегнал со украдениот предмет, се наведува во соопштението на Јавното обвинителство.
Надлежниот јавен обвинител, до судијата на претходна постапка од Основниот суд во Штип поднел предлог за определување мерка притвор за осомничениот, ценејќи дека постои опасност тој да се даде во бегство, а судијата го прифати предлогот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
