Напад со мачета во цркви во Шпанија

Маж со мачета уби едно црковно лице и рани свештеник во нападите на две цркви во Алхесирас пред да биде уапсен.

Шпанското Министерство за внатрешни работи соопшти дека случајот се истражува како потенцијален чин на тероризам.

Засега не е познат идентитетот на уапсениот во овој град на југот на Шпанија.

Мажот прво влегол во црквата Сан Исидро и со мачета го нападнал свештеникот, кој е тешко повреден и хоспитализиран.

Напаѓачот потоа отишол во црквата во Нуестра сењора да ла Палма, и со мачета, пред овој објект, го убил црковното лице.

Локалните медиуми јавуваат дека се повредени уште најмалку три лица.