Арктичкиот бран што ги зафати Соединетите Американски Држави од Тексас до Њу Џерси однесе најмалку 85 животи, потврдија локалните власти. Половина од смртните случаи се регистрирани во Тенеси, Мисисипи и Луизијана, а најчести причини се хипотермија и труење со јаглероден моноксид поради небезбедни грејни тела.
Ситуацијата е критична во областите каде што повеќе од 230.000 домови останаа без електрична енергија. Мисисипи и Тенеси се најпогодени со речиси 87.000 корисници во мрак во секоја од државите.
Метеоролозите предупредуваат дека екстремниот студ нема да попушти.
„Арктичкиот воздух што се движи кон југоисток денеска ќе предизвика пад на веќе ледените температури до минус 10 Целзиусови степени во градовите како Нешвил“, соопшти Националната метеоролошка служба.
На терен се мобилизирани стотици припадници на Националната гарда. Гувернерот на Мисисипи, Тејт Ривс, изјави дека војската доставува храна и ќебиња со хеликоптери, додека во Тенеси спасувачките тимови поделиле над 600 грејни единици за загрозеното население.