На екс министерот Шаќири му пречат Кирил и Методиј на насловната на учебникот по историја

Поранешниот министер за за образование, Јетон Шаќири, реагира до коалицијата Влен дека дозволиле верски мотиви, односно светите браќа Кирил и Методиј да бидат на насловната страна по учебникот за историја.

„Дали се согласувате вашето дете утре да го започне часот со оваа корица? Слугите веројатно ќе го прават тоа, но родителите кои сакаат фер образование за своите деца треба добро да размислат. Потсетуваме дека оваа книга доаѓа откако како министер ја отстранив од употреба претходната книга поради навредлива содржина. Што се однесува до содржината на книгата и за тоа ќе пишуваме. Влен никој не ги прашува… очекувано прифаќаат сѐ што им сервираат господарите на наша штета. Бесрамно вакво нешто ставаат во програмата“, реагираше Шаќири на социјалните мрежи.