Министерството за внатрешни работи на Република Северна Македонија, во периодот од 15-ти до 21-ви декември 2025 година, како членка на Асоцијацијата на европски сообраќајни полиции – ROADPOL, заедно со уште 34 европски земји, учествува во спроведување на зајакнати акциски сообраќајни контроли по повод Европската недела на контроли.
Акциските активности се насочени кон откривање и санкционирање на возачи кои управуваат моторно возило под дејство на алкохол, дрога или други психотропни супстанции, со цел зголемување на безбедноста во сообраќајот и намалување на сообраќајните незгоди.
Имајќи предвид дека, се наоѓаме во период на верски и предновогодишни прослави, кога е зголемен ризикот од управување возило под дејство на алкохол и психотропни супстанции, сообраќајната полиција ќе презема засилени контроли и превентивно-репресивни мерки на патиштата низ целата држава.
Министерството апелира до сите учесници во сообраќајот да ги почитуваат сообраќајните правила и прописи и да придонесат кон зачувување на сопствената и безбедноста на другите учесници во сообраќајот.
Актуелно
- Турција погодена од над 53.000 земјотреси годинава
- Рации во 21 провинција: Турските власти уапсија 357 лица
- ФОТО: Град Скопје го објави списокот со изведувачи – позната агендата за утрешната прослава на Плотад Македонија
- Туск: САД се согласиле да распоредат сили во Украина по мировниот договор
- Русија тврди дека Украина нападнала резиденција на Путин
- Запрен сообраќај во тунелот под Ла Манш
- Беким Сали именуван за прв вицепремиер на денешната владина седница
- Американски напад врз венецуелско пристаниште: Трамп тврди дека биле погодени нарко-бродови
