МВР со детали: Тешка сообраќајка синоќа на „Партизанска“- се срудрија свтомобил и амбулантно возило
Во тешка сообраќајка синоќа на „Партизанска“ во Скопје повредени шест лица откако се судриле автомобил и амбулантно возило.
„На 16.11.2020 во 22.30 часот на крстосница од булевар "Партизански одреди" и булeвар "8-ми Септември" во Скопје, се случила сообраќајна незгода во која учествувале патничко моторно возило "пежо боксер" (санитетско) со скопски регистарски ознаки управувано од Т.Б.(57) од Скопје, патничко моторно возило "мерцедес" со охридски регистарски ознаки, управувано од К.Ѓ.(25) од Ресен, и пешак Н.В.(25) од Скопје.
Во незгодата со повреди се задобиле Т.Б. и три лица сопатници во возилото Д.Б.(28) од Битола, В.Г.(23) од Гостивар и В.А.(55) од Струмица. Со повреди се здобиле и К.Ѓ. и Н.В. На повредените им е укажана лекарска помош. Извршен е увид на местото на настанот од екипа од СВР Скопје“ информираат од МВР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
