МВР и УКЛО ќе соработуваат на проекти за кариера, алумни и доживотно учење

 Заедничката соработка на Министерството за внатрешни работи и Центарот за кариера, алумни и доживотно учење на Универзитетот „Климент Охридски“ (УКЛО) беше тема на разговор на средбата на министерот за внетрешни работи Оливер Спасовски и проректорот на УКЛО, проф. д-р Марјан Ѓуровски.

Како што соопшти УКЛО, еден од првите проекти ќе биде формирањето на Алумни клубот на УКЛО во кој ќе се вклучат единиците на Универзитетот и други институции.

– Воедно ќе се работи на искористување на можностите кои во иднина ги нуди Еразмус плус програмата за заеднички проекти поддржани од ЕУ, се додава во соопштението.