Портпаролот на Кремљ, Дмитриј Песков, денес изјави дека е прерано да се зборува за евентуално непосредно склучување на мировен договор за Украина и рече дека треба да се почека понатамошен развој на настаните.
„Почекајте засега. Прерано е да се зборува за ова“, изјави Песков на новинарите кога беше прашан дали преговорите сега се поблиску до склучување договор отколку порано, објави Интерфакс.
Коментирајќи го протекувањето на телефонски разговори меѓу руски и американски претставници, Песков оцени дека на овие инциденти не треба да им се дава преголемо значење, но предупреди дека „во многу земји, вклучувајќи ги и САД, ќе има многумина кои ќе се обидат да го попречат мировниот процес“.