Православните христијани денеска ја одбележуваат Митровденската задушница, која секогаш се паѓа во саботата пред празникот Митровден. Овој ден за сеќавање на починатите има специфично историско потекло.
Задушницата е востановена во 14 век и потекнува од руската православна традиција. Првично, на овој ден се одржувал помен исклучиво за православните војници.
Традицијата ја воспоставил Димитриј Јованович Донски по битката со Мамаите на Куликовското поле во 1380 година. Откако извојувал победа, тој предложил Црквата да врши помен секоја година во саботата најблиску до денот на Свети Димитриј (8 ноември), во чест на паднатите борци, вклучувајќи ги и двајцата монаси-војници, Александар Пересвјат и Ослабја.
Подоцна, Црквата ја приброила оваа задушница во „вселенските родителски саботи“ и востановила на овој ден да се извршува помен за сите починати, а не само за паднатите војници.
Денеска, верниците го одбележуваат денот со одење во црква на литургија и парастос. Тие ги посетуваат гробиштата каде со молитва, пченица, леб и црвено вино се сеќаваат на своите починати и даваат милостина.