Митрески: Комбинирано работење на Парламентите има низ цел свет, пратениците да ги поддржат измените

Претседателот на Собранието, Талат Џафер денеска го достави предлог измените на Деловникот за работа на Собранието.

-Со новите измени ќе се обезбеди функционалност на законодавниот дом во време на пандемја од коронавирусот, односно ќе се овозможи оние пратеници кои се заболени од ковид 19 и се во изолација, своите обврски да ги извршуваат онлајн, односно од далечина.Во време на сериозни предизвици, на граѓаните им се потребни институции со целосен капацитет. На граѓаните им е потребно Собрание кое ќе биде во можност да ги извршува своите функции и во вакви околности, вели Јован Митрески, координатор на пратеничката група на СДСМ и коалицијата.

Тој напомена дека вакви примери на комбинирано работење на Парламентите има низ целиот свет.

-Затоа ги повикувам сите пратеници да покажат одговорност, да ги поддржат измените на Деловникот, за да може Собранието непречено да ја извршува својата работа и да им служи на граѓаните, вели Митрески.