Од Министерството за јавна администрација објавија важна вест за студентите од Правниот факултет „Јустинијан Први“ и Факултетот за информатички науки и компјутерско инженерство (ФИНКИ) при Универзитетот „Св. Кирил и Методиј“ – Скопје.
-Можност за студенти од Правниот факултет „Јустинијан Први“ и Факултетот за информатички науки и компјутерско инженерство (ФИНКИ) при Универзитетот „Св. Кирил и Методиј“ – Скопје да стекнат практично искуство преку вклучување во процесите на подготовка на јавни политики, унапредување на законодавството, дигитална трансформација и модернизација на јавната администрација.
Студентите од Правниот факултет ќе стекнат практично искуство во областа на управното право, подготовката и анализата на законски и подзаконски акти, како и во креирањето на јавни политики. Студентите од ФИНКИ ќе имаат можност да придонесат во процесите на дигитализација, развој и унапредување на електронските платформи и модернизација на јавната администрација, стои во соопштението.
Рокот за пријавување е до 31.07.2026 на cabinet.mja@mioa.gov.mk.