Милошоски: Единствено европско на оваа Влада на ДУИ и СДС е што го озаконува криминалот за коридорите 8 и 10Д со европско знаменце

„Денес сме во посета на општина Василево и би сакал оттука да упатам една порака до власта т.н. европски фронт тоа што го направи европски во државата е што многу млади луѓе заради ова бесперспективност ја напуштаа државата и заминуваат во земјите членки на ЕУ“, истакна Антонијо Милошоски, пратеник и член на ИК на ВМРО-ДПМНЕ при посета на населени места од теренската активност на ВМРО-ДПМНЕ насловена како „Ова е Македонија за сите“.

Милошоски додаде дека граѓаните од населените места порачуваат дека е време за избори и смена на власта, време е да се подобри животот во Македонија.

„За првпат имаме влада која што висока корупција како што е договорот со „Бехтел“ го покрива со европско знаменце. Граѓаните тоа го гледаат особено југоисточниот дел на државата каде што се гледа дека е запоставен и нема никакви поголеми инфраструктурни проекти. И затоа луѓето порачуваат дека време е за да имаме сериозни европски избори, европски стандарди, смена на оваа власт и подобрување на начинот на работење на државата. Да се врати довербата во институциите“, порача Милошоски.