Италија ја суспендираше примената на Шенгенскиот режим на слободно движење во односите со Шпанија и најави дополнително зајакнување на граничните контроли кон Франција.
Официјалното соопштение пристигна од италијанското Министерство за внатрешни работи, од каде посочуваат дека одлуката е донесена како директен одговор на масовниот прилив на мигранти во шпанската енклава Сеута.
Иако Италија и Шпанија ги дели море и немаат заедчка копнена граница, двете држави функционираат во рамките на Шенген зоната, која овозможува патување без пасошки контроли со сите авионски и бродски линии.
Покрај мерките кон Шпанија, италијанското МВР објави дека постигнало посебен договор со властите во Франција за значително засилување на надзорот по должината на нивната заедничка копнена граница.
Инаку, Шенгенскиот договор е потпишан уште во 1985 година, а денес ги опфаќа речиси сите земји членки на Европската Унија (со исклучок на Кипар и Ирска), како и четирите надворешни држави: Норвешка, Лихтенштајн, Исланд и Швајцарија.