„Годината што ја испраќаме не беше лесна, но 2026 ќе биде година на раздвижување и вкупна преобразба на Македонија“. Ова е главната порака во новогодишната честитка на премиерот Христијан Мицкоски до граѓаните.
Тој најави дека по периодот на стабилизација, следи офанзива на полето на економијата и инфраструктурата.
„Година на економско зајакнување, со нови инвестиции, поддршка за стопанството и отварање можности за работа и развој… Година на надеж, но и на голема обврска! Обврска да се испорачаат резултати“, истакна Мицкоски.
Премиерот им посака на граѓаните здравје, мир и сила, уверувајќи ги дека напорната работа ќе се исплати.