Мицкоски: Македонија има двојно повисока инфлација од еврозоната
При денешната средба со претставниците на Регионална Стопанска Комора Битола во хотел „Капри“, во Битола претседателот на ВМРО-ДПМНЕ проф. д-р. Христијан Мицкоски одговарајќи на новинарско прашање во однос на тоа што владата ги замрзнува цените на тестенините, а се фали со раст на минимална плата и како сето тоа ќе влијание врз економијата истакна дека станува збор за исклучително неспособна, ненародна и не кредибилна влада на ДУИ поддржана од СДСМ а изнудените ад хок решенија не се решенија и токму таквата состојба е една од причините поради кои ВМРО-ДПМНЕ бара предвремени избори.
„Јас кажав дека станува збор за исклучително неспособна, ненародна и не кредибилна влада на ДУИ поддржана од СДСМ. Јас не очекувам ништо повеќе од влошување на состојбата и една од причините зошто ние како ВМРО-ДПМНЕ бараме предвремени избори е токму тоа, овие безидејници да заминат и да дојдат луѓе кои што знаат како да се справуваат со предизвиците. Изнудени ад-хок решенија, не се решенија, само ќе ја потсетам македонската јавност дека Македонија како држава има двојно повисока инфлација од тоа што е инфлацијата во еврозоната. А се сеќавате до скоро не убедуваа дека инфлацијата е увезена. Како е тоа увезена кога е два пати поголема од таа каде што е наш најголем трговски партнер а тоа е Европската Унија. Затоа ве молам да ме разберете, кога зборувам за промена на оваа влада, не зборувам за власт, не зборувам за да ВМРО-ДПМНЕ дојде на власт и да има комотна позиција, зборувам да ја спасиме Македонија од оваа криминална, безидејна, и неспособна влада на ДУИ за жал поддржана од она што остана од СДСМ“, нагласи Мицкоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа