Премиерот Мицкоски најави дека ќе биде интересна разврската во Комунална хигиена давајќи изјави за медиумите
„Мислам дека, мислам дека таму ќе има разврска којашто, којашто ќе биде многу интересно да ја следите. Инаку ја користам оваа прилика да се заблагодарам на градоначалниците на општина Велес, Штип, Кавадарци и Куманово за поддршката која што даваа изминативе денови со механизација за чистење на сметот во Скопје.“ – рече Мицкоски денеска.
Помалку од 1 час подоцна во медиумите беше објавена информацијата дека се приведени две лица, директорот Сабахадин Рустеми и раководителот Аки Саити.
И двајцата, како што објасни Обвинителството се сомничат за кривични дела поврзани со загрозување на животната средина.
