Премиерот Христијан Мицкоски денеска јавно ги демантираше медиумските извештаи дека неговиот помал син, кој посетува настава во училиштето „Димо Хаџи Димов“ каде што пред неколку дена имаше труење, бил хоспитализиран и во тешка состојба.
„Имаше некои медиуми кои пренесоа дека е во тешка состојба, дека е хоспитализиран. Сакам да демантирам. Не беше. Беше во состојба во која беа и сите други дечиња… Морам да признаам дека тоа не е вистина,“ рече Мицкоски.
Премиерот потврди дека неговиот син Антони бил жртва на труењето и три дена примал инфузија поради што не одел на училиште. Тој изрази надеж дека детето денеска е подобро и дека од понеделник ќе се врати на настава.