Метеоролозите најавуваат невреме: Силен ветер, дожд и грмежи

Попладнево и во вечерните часови нашата територија повторно ќе се наоѓа под влијание на влажна и исклучително нестабилна воздушна маса која на повеќе места ќе услови пороен дожд, грмежи и засилен ветер, соопштува метеорологот Славчо Попоски.

Локално процесите ќе бидат интензивни и застапени во форма на невреме проследено со обилен пороен дожд кој може да услови нови локални поплавувања, силен ветер, електрични празнења и појава на град. Токму поради ова на граѓаните ги советуваме да бидат внимателни во случај на појава на Нневреме и на електрични празнења. Максималната дневна температура на воздухот ќе се искачува во интервалот од 26 до 35 степени.

Услови за локален дожд и грмежи ќе има и утре, особено во претпладневните часови а ќе започне да дува умерен, на повеќе места засилен ветер од северен правец кој ќе услови намалување на температурите на воздухот , особено во северните предели. Максималните дневни температури на воздухот утре ќе се искачуваат во интервалот од 23 до 31 степен.

Стабилизирање на времето ќе имаме од среда.