Меланија не се чувствува добро поради коронавирусот – откажа настап на кампањата на својот сопруг

Меланија Трамп го откажа својот прв настап во последните неколку месеци во претседателската кампања на својот сопруг Доналд Трамп, јавува Си-Ен-Ен.

Го откажа настапот зашто не се чувствува добро, со оглед на опоравувањето од коронавирусот.

Првата дама вечерва требаше да се придружи на кампањата на претседателот Трамп во Пенсилванија, па одлучи да не оди.

-Госпоѓата Трамп секој ден се чувствува сѐ подобро и подобро по опоравувањето од ковид-19, но поради долготрајното кашлање и од предострожност, денес нема да патува, изјави шефицата на кабинетот на првата дама, Стефани Гришам.

Меланија минатата недела изјави дека кај неа симптомите на ковид-19 се појавиле одеднаш и изгледале како тобоган.