Уставниот суд на Република Северна Македонија денеска и утре (16 и 17 септември 2026 година) организира регионална конференција на тема „Како да се зголеми довербата во уставните судови“, со фокус на независноста, транспарентноста и разбирливоста на судските одлуки. Во своето воведно обраќање, претседателот на Судот, д-р Дарко Костадиновски, истакна дека довербата е најважниот капитал на секој уставен суд и дека авторитетот произлегува од квалитетот на одлуките. На настанот се обрати и д-р Штефан Пирнер од Германската фондација за меѓународна правна соработка (ИРЗ).
Костадиновски во својот говор нагласи дека во минатото често се практикувало неодлучување по чувствителни предмети, но со стапувањето на функцијата тој се определил за поинаков пристап, покажувајќи дека не постојат недопирливи предмети.
„Жалосно е што во јавноста се шират дезинформации или таканаречени лажни вести. Апсолутно тврдам, ранг-листите се објавени на примените, но објавена е и ранг-листа на непримените со објаснување зошто не се примени“, истакна Костадиновски, осврнувајќи се на важноста на уставната дисциплина и отвореноста.
Тој потсети и на воведувањето преноси во живо од седниците од март оваа година, како и на позитивните оценки од Извештајот на Европската комисија за владеењето на правото за 2026 година, кои го потврдуваат напредокот и ефикасноста на Судот.