Украина ги менува правилата, дозволувајќи им на лицата на возраст од 18 до 22 години да ја напуштат земјата
Германија, Полска и Чешка водат по бројот на корисници на привремена заштита
Бројот на Украинци кои бегаат од војна и бараат безбедност во земјите од Европската Унија се искачи на највисоко ниво за две години, откако Киев ги промени правилата за да им овозможи на повеќе млади мажи да ја напуштат земјата, покажуваат официјалните податоци.
Земјите на ЕУ доделија 79.205 нови привремени заштити во септември, што е најголемо зголемување од 2023 година, објавува Политико од Брисел.
Скокот се случи откако Украина им дозволи на мажите на возраст од 18 до 22 години слободно да ја напуштат земјата.
До крајот на септември, 4,3 милиони Украинци беа под привремена заштита во ЕУ, посебен статус дизајниран за справување со масовниот прилив на раселени лица кои не можат да се вратат дома.
Германија, Полска и Чешка, според извештаите, имале најголем удел, додека Чешка имала највисок сооднос на корисници на привремена заштита во однос на населението, од 35,7 корисници на 1.000 жители.
Полска забележа најголемо зголемување во апсолутни бројки, додавајќи речиси 13.000 нови корисници, по што следуваат Германија со 7.600 и Чешка со 3.500. Само Франција забележа мал пад од 240 лица.
Жените сочинувале 44 проценти од сите заштитени, малолетници 31 процент, а мажи околу 25 проценти.
Украинците сочинувале повеќе од 98 проценти од сите лица на кои им е доделена привремена заштита според шемата на ЕУ, која беше продолжена во јуни до март 2027 година.