Македонскиот пејач заразен со коронавирус: „За општо добро, ќе се придржувам кон самоизолацијата“
Македонскиот музичар Спасен Силјаноски од Кичево е позитивен на вирусот Ковид-19, а тој оваа вест самиот ја потврди преку својот Фејсбук профил.
„Не е грев да се добие ковид-19, бидејќи не знаеме кој го носи, но грев е да се прикрие доколку се има и да се заразат твоите блиски роднини и пријатели. Затоа, поради моја морална и етичка одговорност ви го соопштувам ова“, напиша тој.
Спасен откри како се заразил, но и како се чувствува.
„Бев во контакт со инфицирано лице со Ковид-19 и одлучив да направам и јас тест, кој за жал денес покажа дека е позитивен, односно дека во моментов сум позитивен на Ковид-19. За моја среќа немам никакви симптоми и потешкотии, но како што е процедурата во интерес на општо добро ке се придржувам кон самоизолацијата се до добивањето на два последователни негативни теста. Ви посакувам здравје на сите, внимавајте на вашите контакти и со Господ напред се гледаме за 14 дена, јас пиво частам“ додава тој на „Фејсбук“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа