Македонска берза АД Скопје денеска одбележува значаен јубилеј – три децении од почетокот на организираното тргување со хартии од вредност во земјава.
По тој повод, во хотелот „Мериот“ во Скопје ќе се одржи свечена вечера посветена на 30-годишниот развој на пазарот на капитал, партнерствата и заедничките достигнувања.
Мисијата на Берзата е да обезбеди ефикасно, транспарентно и сигурно функционирање на секундарниот пазар на хартии од вредност, овозможувајќи им на инвеститорите фер пристап до финансиските инструменти, како и поддршка за компаниите во обезбедување капитал за нивниот развој.
Основачкото собрание на Македонска берза АД Скопје било одржано на 13 септември 1995 година, а првиот ден на тргување се реализирал на 28 март 1996 година, кога за првпат било означено берзанското ѕвоно во земјата.
Работата на Берзата тогаш ја означил претседателот Киро Глигоров, а тргувањето првично се одвивало два пати неделно – во вторник и четврток.
На 16 октомври 1996 година, Берзата станала полноправна членка на Федерацијата на Евроазиски берзи. Основана е од 19 правни субјекти, меѓу кои 13 банки, три осигурителни друштва и три штедилници.