Општина Македонска Каменица новата 2026 година ќе ја пречека во тишина и достоинство. Советот на општината, на вонредна седница, донесе едногласна одлука за прогласување на тридневна жалост на целата територија по повод трагичната смрт на нивната млада сограѓанка, Симона Каранфиловска.
Деновите на жалост ќе траат од денеска, 30 декември, па сè до 1 јануари. Поради овој трагичен настан, локалната самоуправа ги откажа сите планирани културни и забавни манифестации за дочекот на Новата година. Знамињата пред јавните институции во градот се спуштени на половина копје во знак на почит кон прерано згаснатиот живот.