Македонија во портокалова фаза: Температури над 40 степени, не излегувајте ако не морате

Времето денеска ќе биде сончево и многу топло со мала до умерена локална облачност. Ќе дува слаб до умерен ветер претежно од северозападен правец. Попладне во планинските подрачја ќе има изолирана појава на краткотраен дожд и ретки грмежи.

Максималната температура ќе биде во интервал од 34 до 41 степен. УВ индексот ќе изнесува 9.

Во Скопје и околината сончево и многу топло со мала облачност. Максималната температура ќе достигне до 40 степени.

Во следните денови времето ќе биде многу топло со натпросечни температури за овој период од годината и ќе биде активирано портокалово ниво на опасност од високи температури. На места долж Повардарието температурата ќе го надминува 40-тиот степен. В понеделник ќе дува засилен ветер од западен, а попладне од северен правец кој ќе предизвика благо опаѓање на температурите во северните делови, додека во јужните ќе се задржат високите температурите. 

28.07.2021 - 07:55

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега