Земјава утринава се разбуди со ниски температури, а најстудено беше во Берово, Лазарополе и Попова Шапка каде се измерени минус два степени, соопшти Управата за хидрометеоролошки работи (УХМР).
Според податоците на УХМР, температурите низ државата утрово биле следните: -1 степен во Маврови Анови, додека нула е измерена во Крива Паланка и Битола. Температура од 1 степен е забележана во Претор, Тетово, Струмица, Охрид и Штип. Во Куманово, Крушево, Велес, Демир Капија и Прилеп се измерени 2 степена, 3 степена во Кавадарци и Гевгелија, 4 во Виница, а на мерната станица Скопје-Зајчев Рид 5 степени.
Во текот на денот времето ќе биде сончево со мала до умерена локална облачност. Ќе дува слаб до умерен ветер, претежно од северен правец. Максималните дневни температури ќе се движат во интервал од 15 до 23 степени.
Во Скопје се очекува променливо облачно време со сончеви периоди и умерен ветер од северен правец. Максималната температура во главниот град ќе достигне до 24 степени.