Студено утро во целата држава измерија синоптичарите на УХМР. Најниски температури од -4 степени целзиусови во 7 часот се регистрирани во Берово и на Попова Шапка, додека најтопло со 5 степени било во Тетово.
Според официјалните податоци на УХМР, измерени се:
- -2 степени: Скопје-Петровец, Крива Паланка, Претор, Крушево;
- -1 степен: Битола, Штип, Велес, Маврови Анови, Лазарополе;
- 0 степени: Охрид, Кавадарци, Демир Капија, Струмица;
- 1 до 4 степени: Виница, Скопје-Зајчев Рид, Куманово и Гевгелија.
Денеска по сончевото претпладне, не очекува промена на времето. Во текот на денот ќе биде променливо облачно со локални врнежи од дожд, а во југоисточните делови е можна појава на краткотраен пороен дожд и ретки грмежи.
Ќе дува умерен, на моменти засилен северен ветер, кој на одредени места ќе надминува брзина од 60 km/h. Максималната температура ќе се движи меѓу 13 и 20 степени.
Во Скопје попладне се очекуваат услови за слаб дожд и засилен ветер во делови од котлината, со максимална температура до 19 степени.