Најновите податоци на Евростат за 2023 година, кои ги анализира „Еуроњуз“, ја сместуваат Северна Македонија на високото трето место во Европа според стапката на фемицид. Со регистрирани шест убиени жени на еден милион жители, земјата се наоѓа веднаш зад Латвија (17 жртви на милион) и Литванија (10 жртви на милион).
Овие бројки се значително над просекот на Европската Унија, кој изнесува 4,1 убиена жена на еден милион жители. Статистиката потврдува дека во европски рамки, жените се изложени на двојно поголем ризик да бидат убиени од близок член на семејството или партнер во споредба со мажите.
За разлика од Македонија и балтичките земји, најниски стапки на вакви злосторства се евидентирани во:
- Грција: 1,8 на милион жители;
- Шпанија: 2 на милион жители;
- Холандија: 2,3 на милион жители.