Во Министерството за јавна администрација денеска ќе се одржи билатерална средба меѓу македонскиот министер Горан Минчев и српската министерка за јавна администрација и локална самоуправа Снежана Пауновиќ.
Средбата е дел од активностите за унапредување на регионалната соработка во областа на јавната администрација, при што се очекува размена на искуства и добри практики меѓу двете земји.
Од Министерството за јавна администрација информираат дека главната цел на разговорите е зајакнување на институционалната соработка и подобрување на административните процеси преку примена на современи модели и решенија.