Судењето на Стојанче Јовановски денеска се претвори во вистинско соочување меѓу обвинетиот и клучниот сведок Мартин Саздов. Додека Стојанче обвинуваше за местенки со дрога, уцени со експлицитни видеа и физички напади со „калашников“, Саздов ги отфрли сите наводи, тврдејќи дека Јовановски е насилникот кој го контролирал секој чекор на Ивана.
Свој исказ даде и Ивана Белчева, која била сведок на напад во Ѓорче Петров во декември 2025 година.
Белчева посведочи дека го видела Стојанче како ја удира Ивана по главата и телото, додека малата Катја плачела во прегратките на случајни минувачи.
Саздов тврди дека мајките на сопружниците скришно носеле храна за Ивана и детето, бидејќи Стојанче го фрлал јадењето во канта.
Обвинетиот тврдеше дека кај него имало видеа со кои Мартин ја уценувал Ивана, на што сведокот одговори дека Ивана му ги побарала тие видеа само затоа што Стојанче ја присилил.
Судењето продолжува веќе утре, кога пред судот ќе застанат братот на починатата Ивана, наставничката на Катја и сосетка, кои треба да фрлат дополнително светло врз овој трагичен случај.