Магла на планинските превои Ѓавато и Плетвар
Сообраќајот на државните патишта се одвива тековно во зимски услови, по наместа влажни коловози. Намалена е видливоста поради магла до 30 метри од с.Гајре –Попова Шапка, крак Маврово –Маврови Анови 10-15 метри и планинските превои Ѓавато и Плетвар 50-60 метри.
Од ЈП Македонија пат соопштија дека сите патни правци во државата се проодни, без забрани и ограничувања. На одредени патни правци кои поминуват низ клисури и усеци можна е појава на поситни одрони.
Со целокупната расположива механизација и работна сила, се наведува во соопштението, ЈП Македонија пат е вклучена во расчистување на патиштата.
ЈП Македонија пат апелира на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
