Лидерите на Европската Унија утре ќе одржат состанок на маргините на самитот на Г20 во Јоханесбург, на кој главна тема ќе биде ситуацијата во Украина.
Информацијата ја потврдија претседателката на Европската комисија, Урсула фон дер Лајен, и претседателот на Европскиот совет, Антонио Кошта, кои претходно оствариле телефонски разговор со украинскиот претседател Володимир Зеленски.
Тие преку социјалната мрежа „Х“ испратија јасна порака за позицијата на Брисел.
„Разговаравме со претседателот Зеленски. Разговаравме за моменталната ситуација и јасно наведуваме дека ништо не треба да се одлучува за Украина без Украина“, изјавија Кошта и Фон дер Лајен.
Во фокусот на разговорите бил и новиот мировен план на американскиот претседател Доналд Трамп, за кој Зеленски ги информирал челниците на ЕУ.