Кузеска: Од каде се 300.000 евра за пропаднатиот митинг на ВМРО-ДПМНЕ?
Скапо платен дебакл. Вака портпаролката на владејачката СДСМ, Богданка Кузеска го оцени вчерашниот протест за промени на опозициската ВМРО-ДПМНЕ.
-Целата јавност вчера сведочеше на дебакл од страна на Христијан Мицкоски и ВМРО-ДПМНЕ. Скапо чини дебаклот на ВМРО-ДПМНЕ и пропаднатиот митинг со слаб одѕив и лоша организација. На митингот имаше присутни околу 15.000 членови и симпатизери на ВМРО-ДПМНЕ. Партијата сигурно планирала повеќе и ангажирала превоз и останати потреби за околу 20.000 членови, рече Кузеска.
Според нејзините пресметки, протестот ВМРО-ДПМНЕ ја чинел околу 300.000 евра.
-Превоз за 20.000 членови чини над 200.000 евра. 400 автобуси по околу 400 евра, за комбиња уште 10.000 евра. За бина, озвучување, светло и струја уште 20.000 евра. За вода, сендвичи околу 30.000 евра, трошоци за брза помош, пожарна околу 10.000 евра. Лесно се доаѓа до вкупна сума од 300.000 евра. 300.000 евра во време на криза за пропаднат митинг, слаб протест за задоволување на егото на Христијан Мицкоски. Сите знаат дека сметката на ВМРО-ДПМНЕ е блокирана, а имотот е замрнзат, пред конфискација. Од каде се 300.000 евра на ВМОР-ДПМНЕ со блокирана сметка и замрзнат имот?, рече Кузеска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
