Најмалку 16 лица се повредени во тежок оружен инцидент што се случи рано утринава во средно училиште во областа Сиверек, во југоисточната турска покраина Шанлиурфа. Напаѓачот, кој подоцна извршил самоубиство, е идентификуван како 19-годишен поранешен ученик во истото училиште.
Гувернерот на покраината, Хасан Шилдак, во изјава за медиумите ги потврди деталите за трагедијата. Според неговите информации, младиот човек влегол во училиштето вооружен со пушка и почнал неселективно да пука кон присутните ученици и наставници.
#SONDAKİKA | Şanlıurfa’da bir liseye silahlı saldırı düzenlendiği bildirildi.
— Afroasya Today (@afroasyatoday) April 14, 2026
⚫ Olay sırasında bazı öğrencilerin panik halinde kaçmak için camdan atladığı belirtilirken, yaralanma olduğu da aktarıldı. pic.twitter.com/hBbwrM3C6O
Откако го извршил нападот, 19-годишникот се затворил и се скрил во просториите на училиштето. Како што пренесува новинската агенција „Демирорен“, полициските специјални сили веднаш го опколиле објектот и упатиле повици до напаѓачот да се предаде. Тој ги игнорирал полициските наредби и на крајот си го одзел животот.
#SonDakika Şanlıurfa Siverek'te bir lisenin önünde silah sesleri duyuldu.
— 23 DERECE (@yirmiucderece) April 14, 2026
Olay yerine çok sayıda polis ve ambulans sevk edilirken, 7 kişinin yaralandığı öğrenildi. pic.twitter.com/GqILe3XREK
Сите 16 повредени лица биле итно транспортирани во локалната болница во Сиверек. Гувернерот Шилдак информираше дека 12 од нив сè уште се задржани на болничко лекување.
Полицијата и надлежните истражни органи се на терен, но мотивот за овој стравичен неселективен напад сè уште останува непознат.