Вечерва сме овде обединети од едно знаме, знамето на ВМРО-ДПМНЕ со една цел, со една мисла да го вратиме Берово на вистинскиот пат, рече Драган Ковачки, член на ИК на ВМРО-ДПМНЕ на народниот митинг во Пехчево во рамките на кампањата со слоган „Вистинскиот избор! Со твојот човек! За твоето место! За твојата иднина!“ за локалните избори кои ќе се одржат во недела на 19 октомври.
-Да покажеме дека нашето Берово заслужува повеќе, заслужува подобро и заслужува луѓе што работат со срце и со визија. Предолго гледаме како Берово град со душа со чиста природа со вредни лиѓе и потенцијал тапка во место, рече Ковачки.
Тој потенцира дека времето на СДСМ помина.
-Време е за промени! Промени овде во Берово! Како што паднаа во Македонија ќе паднат и овде во Берово, дециден е Ковачки.
Тој додаде: „Од нивните ветувања остана само куфери во рацете на мадите што заминуваат. А, овде во Берово имаме сѐ, природни ресурси, туризам, шумарство, земјоделије, чист воздух и вредни луѓе“.