Ковачевски, Заев и Спасовски на иста маса: „Полноправното членство во ЕУ е нашиот приоритет“
Вечерва се одржа координативен состанок на стратешкиот тим на СДСМ, извести премиерот и лидер на владејачката партија преку Фејсбук. На иста маса седнаа поранешниот премиер Зоран Заев, актуелниот Димитар Ковачевски и министерот за внатрешни работи, Оливер Спасовски.
„СДСМ има долгогодишно државничко и партиско искуство, посветеност и полна енергија да продолжи со победа и брз чекор по европскиот пат.
Денешниот координативен состанок на стратешкиот тим е во оваа насока - да направиме сè, да овозможиме целосен државен и национален консензус за исполнување на определбата на огромното мнозинство граѓани, да станеме полноправна европска држава до 2030г.
Европскиот пат и полноправното членство во ЕУ е највисок државен и национален, македонски приоритет. Ова е клучен момент, се работи за сегашноста, стабилноста и извесната иднина на сите наши граѓани, за иднината на денешните и идните генерации.
Граѓаните заслужуваат европски квалитет на живот и европски животен стандард, во европска држава, а тоа да биде нивната родна земја, нивната татковина“, напиша премиерот на ФБ.
28.09.2023 - 22:55
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
