Македонија се разбуди во екстремно ниски температури. Според податоците на УХМР, најстудено е во Берово каде се измерени -9 степени, додека Битола, Струмица и скопски Петровец се соочија со -8 степени.
Утрински температури по градови:
- -9 Берово
- -8 Битола, Струмица, Скопје-Петровец
- -7 Тетово, Прилеп, Велес, Штип, Демир Капија
- -6 Скопје-Зајчев Рид, Крива Паланка, Кавадарци
- -5 Гевгелија
- -4 Охрид
Единствено над нулата се температурите на повисоките места како Маврови Анови (1), Попова Шапка и Крушево (2 степени).
Претпладне нè очекува сончево време, но веќе попладне облачноста значително ќе се зголеми. Поради продор на нова, постудена воздушна маса од север, кон крајот на денот и во текот на ноќта ќе има услови за слаб локален снег во северните и западните делови од земјата.
Во Скопје претпладне сончево, попладне облачно со засилен северен ветер и максимална температура до 8 степени. Ќе дува слаб до умерен, а попладне наместа засилен северен ветер.
Максималните температури ќе се движат во интервал од 3 до 11 степени.