Калифорнија: Жена јадела риба заразена со опасни бактерии - ѝ ги ампутирале и рацете, и нозете

На жена од Калифорнија морале да ѝ ги ампутираат екстремитетите откога изела парче недоволно сварена тилапија.

Лаура Барахас (40) минатиот месец купила риба на локалниот пазар во Сан Хозе, која ја зготвила и ја јадела дома, напишала нејзината пријателка Ана Месина во кампањата GoFundMe.

Барахас помина повеќе од еден месец во болница борејќи се со инфекција со Vibrio vulnificus пред да ѝ бидат отстранети екстремитетите во средата, рече Месина.

„Љубезно ве замолуваме да најдете во вашите срца место да го поддржите ова прекрасно семејство во овој неверојатно предизвикувачки период“, напиша Месина. „Она што им се случи може секому да му се случи и заедно можеме да направиме значајна разлика.

Центрите за контрола и превенција на болестите (ЦДЦ) издаде здравствен совет на 1 септември предупредувајќи на зголемување на бактериските инфекции Vibrio vulnificus во САД поради зголемените температури на водата, пишува „Инсајдер“.

Vibrio vulnificus е бактерија што напредува во потоплите води на Мексиканскиот Залив, според ЦДЦ. Познато е дека тие бактерии предизвикуваат околу 80.000 болести во САД секоја година, според агенцијата.

Во Галвстон, Тексас, маж почина по јадење остриги загадени со истата бактерија на 29 август, јавува „Фокс 26“ од Хјустон.

Знаците на инфекција со Vibrio vulnificus вклучуваат дијареја, грчеви во стомакот, гадење, повраќање и треска, според ЦДЦ. Инфицираната рана може да покаже црвенило, болка, оток, топлина, промена на бојата и исцедок, според одделот.

ЦДЦ вели дека најчеста причина за инфекции со бактеријата се јадење недоволно варени или сурови остриги и школки.

„Не јадете сурови или недоволно варени остриги или други школки. Гответе ги пред јадење“, препорачува ЦДЦ. „Секогаш мијте ги рацете со сапун и вода по ракување со сурови школки“.

ЦДЦ исто така препорачува да избегнувате солена вода ако имате отворена рана за да избегнете инфекција со вибриоза.