Каевски: Се очекува во јули да започне постапката за уставните измени

Дарко Каевски од СДСМ во емисијата 24 анализа рече дека постапката за уставни измени се очекува да влезе некаде во првата половина на следниот месец и во наредните 10-15 дена да започне постапката.

- Согласно роковите се очекува во јули да започне постапката за уставните измени. Ќе започне постапката, но првото гласање ќе биде согласно процедурите и роковите во Собранието. Ние сме оптимисти согласно последниот став од лидерската средба, променетиот став на ВМРО-ДПМНЕ дека е подготвено да влезе во влада под одредени услови кои за нас се прифатливи. Очекуваме во наредните денови дијалогот да продолжи согласно што и Ковачевски и Мицкоски овие денови беа во посета на меѓународни странски политичари кои се директно вклучени во овие процеси. Очекувам разговорите да продолжат на линија СДСМ-ВМРО-ДПМНЕ и она каде застанавме на лидерската средба со конкретни чекори ќе пристапиме и ќе дојдеме до потребните 80 пратеници, потребни пред првото гласање. - рече Каевски.