Со завршните зборови на Обвинителството и одбраната, пред Основниот суд заврши главната расправа за случајот во кој смртно настрадаа Ивана Стојановска и нејзината ќерка Катја. Обвинителството побара најстрога казна за обвинетиот Стојанче Јовановски, оценувајќи дека тој дејствувал свесно и со полна одговорност.
Застапничката на обвинението, Адела Бојчевиќ, потенцираше дека насилството не е поврзано со евентуално психичко заболување, туку произлегува од карактерните особености на обвинетиот. Од друга страна, адвокатскиот тим на Јовановски смета дека обвинението е неосновано. Тие во своите завршни зборови посочија на недостиг од директни докази, нагласувајќи дека обвинетиот не може да се товари за поттикнување на самоубиство без цврсти материјални докази.
Обвинетиот Јовановски остана на ставот дека е невин. „Не сум ја поттикнувал, трагедијата не е предизвикана од мене. Сè би дал да можам да ги вратам моето дете и мојата сопруга“, рече тој во својот последен обраќање пред судот.
Судијата ја закажа објавата на пресудата за 7 мај во 10.30 часот, кога ќе биде ставена правна точка на овој случај.