Пратеничката Славјана Петровска се збогува со поранешниот градоначалник и пратеник Панчо Минов споделувајќи анегдота од Пленарната сала во Собранието.
-Во првиот мандат како пратеничка во 2020та, ми беше “комшија” седевме клупа до клупа во големата сала. Бевме на седница, дневниот ред беше со многу точки за гласање, а јас морав да завршам еден текст кој ми беше со рок. И се обидував и да следам седница и да пишувам. Ме виде и ми рече ти само пишувај си, јас че ти кажувам кога црвено, кога зелено. (Тогаш гласавме со картончиња во боја). Многу често не засмеваше, но и знаеше да ни подели по некоја добронамерна критика и совет. Ми беше чест што го познавав и имав можност да соработуваме. Нека му е вечен споменот, вели Петровска.